Амаль 50 юнакоў аб’ядналі абласныя спаборніцтвы па міні-футболе «Разам да перамогі!», арганізаваныя інспекцыяй па справах непаўналетніх УУС Віцебскага аблвыканкама, перадае БелТА.
Турнір прымае факультэт фізічнай культуры і спорту Віцебскага дзяржаўнага ўніверсітэта імя П.М. Машэрава. Удзельнікі — юнакі ва ўзросце ад 14 да 18 гадоў, у адносінах да якіх праводзіцца індывідуальная прафілактычная работа (ІПР).
Напярэдадні ў Віцебску, Полацку і Оршы адбыліся занальныя спаборніцтвы, на якіх і вызначылі фіналістаў абласнога этапу. Сюды прайшлі шэсць каманд з Полацка, Пастаў, Оршы, Талачына і дзве віцебскія.
Другакурснік Пастаўскага дзяржаўнага каледжа Кірыл Воўк у спорце з самага дзяцінства. Акрамя футбола будучы тэхнік-механік прафесійна займаецца боксам — ужо КМС. Гаворыць, што сумяшчаць вучобу і фізічныя нагрузкі — справа прывычная і вельмі карысная. «Цяпер вучуся ў каледжы, а вечарам іду займацца ў наш ФАК. У футбол я гуляў у дзяцінстве, і ў мяне засталіся добрыя ўспаміны аб тых матчах. Цяпер запрасілі ад каледжа паўдзельнічаць у спаборніцтвах, трэба прадставіць яго дастойна. Не магу сказаць, што ў фінал было вельмі цяжка прабіцца. Былі моцныя сапернікі, але не ўсе», — падзяліўся Кірыл Воўк.
Ён дадаў, што каманда з Пастаў мае намер сёння ў Віцебску атрымаць пуцёўку ў сталіцу. «Прыехалі з баявым настроем, устаноўка — без перамогі дадому не вяртацца», — сказаў юнак.
«Такія спаборніцтвы ўплываюць на станоўчую дынаміку ў рабоце з дзецьмі, у адносінах да якіх праводзіцца ІПР. Тут мы прапагандуем здаровы лад жыцця непаўналетнім, якія раней ўчынялі нейкія правапарушэнні, напрыклад, былі заўважаны за ўжываннем спіртных напіткаў, знаходзіліся ў стане алкагольнага ап’янення, учынялі дробныя крадзяжы», — адзначыла старшы інспектар па асаблівых даручэннях арганізацыі Інспекцыі па справах непаўналетніх УУС Віцебскага аблвыканкама маёр міліцыі Вераніка Суворава.
ІПР з падлеткамі праводзіцца ў асноўным на працягу года. «Пасля дасягнення непаўналетнім 18-гадовага ўзросту або ў сувязі з выпраўленнем мы іх здымаем з ІПР. За год на падлетка ўдаецца паўплываць і прадухіліць у будучым учыненне ім нейкіх правапарушэнняў. У ходзе работы з непаўналетнімі праводзяцца розныя спаборніцтвы, арганізуецца наведванне музеяў, спартыўных гульняў, а таксама прадпрыемстваў і арганізацый у рамках прафарыентацыйнай работы. Юнакі таксама прымаюць удзел у адкрытых судовых пасяджэннях», — растлумачыла Вераніка Суворава.
Каманда, якая зойме першае месца на турніры па міні-футболе, прадставіць паўночны рэгіён на рэспубліканскіх спаборніцтвах у Мінску.
Джерело: zviazda.by
Марія Іванова головний редактор сайту Надзвичайні новини України – визнана фахівчиня в галузі журналістики, яка віддано присвятила своє життя розкриттю новин та подій, що впливають на сучасне суспільство України. З юності вона виявляла захоплення словом, а пізніше обравши журналістику своїм шляхом, завоювала високий авторитет в цій галузі.